CAFek Régiolis plataformako eskualdeko beste 10 tren hornituko dizkio SNCF Voyageursi. Frantziako hego-mendebaldeko Akitania Berria eskualdean funtzionatuko dute trenek, eta guztizko zenbatekoa 80 milioi euro ingurukoa izango da.
SNCF Voyageursek, eskualdeko tren-zerbitzuak martxan jartzeaz arduratzen den enpresak, beste behin ere CAF-Alstom kontsortzioarekin duen konfiantza berritu du eskualdeko trenen eskari berri honekin. Hitzarmena aurretik sinatutakoen antzekoa da eta, horren arabera, CAFek Reichshoffen duen lantegian egingo ditu trenen diseinu- eta muntaketa-lanak, eta Alstom, berriz, trenetarako hainbat sistema eta ekipo fabrikatzeaz arduratuko da.
Akitania Berrirako tren berriek eskualdeko trenbide-sarean zerbitzua eskaintzen duten 54 Régiolis trenen flota osatuko dute. Bi-modo unitateak dira (elektrikoak eta diesel motakoak), lau kotxekoak, 208 bidaiarirentzako edukiera dutenak, eta erosotasun maila handia eskainiko dute leihate zabalei, zeharkako LED argiztapenari, beso-euskarridun eserlekuei, irakurketa-argiei eta korronte-harguneei esker.
Régiolis flotaren handitze berri hori CAFek azken urteetan Frantziako zenbait eskualdetarako sinatu dituen beste batzuei gehitu behar zaie. Izan ere, 2021ean Alstomekin itundutako hitzarmenari esker, CAFek Alsaziako Reichshoffen industria-instalazioa erosi zuen, eta SNCFrekin adostutako eskualdeko trenen plataforma horren zabalkuntzak garatu dira. 10 unitate berri horiekin, 50 inguru dira jada CAFi kontratatutako unitateak. Horrek indartu egiten du konpainiak Frantziako lantegietan duen lan-karga industriala eta sendotu egin du Taldeak garraio publikoa garatzeko Frantziako tokiko, eskualdeko eta nazio mailako agintarien epe luzeko bazkide gisa duen posizioa.
CAF Taldeak, gaur egun, Frantziako merkatuko produktu-gama zabalenetako bat du mugikortasunaren alorrean: distantzia luzeko Intercités trenak, zero emisioko autobusak, aldiriko trenak, tranbiak eta metroak. Horri esker, CAFek Frantzian duen presentzia indartu egin da, eta datozen urteotan merkatu hori enpresarentzako garrantzitsuenetako bat bihurtu da.
Gaur egun, CAF herrialdeko trenbide-sare nagusi batzuetarako kontratuak garatzen ari da. Horien artean, nabarmentzekoak dira Pariseko RER B aldiriko linearako trenen hornikuntza, SNCFrako Intercités unitateak (Paris-Clermont, Paris-Okzitaniako Tolosa eta Bordele-Marseilla lineetan zerbitzua emateko) eta Montlier, Marseilla, Tourle eta Tourle metropoli eremuetan tranbiak hornitzeko proiektuak.
.