Solarisek zero isuriko hiri-autobusen Europako merkatuan duen lidergoa sendotzen jarraitzen du eta hiru kontratu berri sinatu ditu Transdev Nederland, GZM Metropolis eta MZA Varsovia operadoreekin. Kontratu horien guztizko balioa 110 milioi euro baino gehiagokoa da. Hitzarmen horiek Solarisek kontratazio arloan bizi duen errekorreko urteari jarraipena emango diote eta, aldi berean, bere proposamen teknologiko eta operatiboarekin lotuta merkatuak erakutsitako konfiantza baieztatu dute.
Alde batetik, Transdev Nederlandek 55 autobus elektriko entregatzea adostu du Solarisekin. Kontratuan sartzen dira Solarisen zorroko autobus elektriko laburrena, Urbino 9 LE elektrikoa, eta artikulazio bikoitzeko ibilgailu luzeena, 24 metroko Urbino ibilgailua, eta entregak 2026ko udarako aurrez ikusi dituzte.
Ibilgailuek Arnhem-Nijmegen-Foodvalley (ANF) emakida berriaren pean funtzionatuko dute eta Arnhem eta Nijmegen hiriak, eta Foodvalley eskualdea biltzen dituzte. Emakida hori duela gutxi eman zion Gelderland probintziak, eremu hartako garraio publikoa kudeatzen duen erakundeak, operadoreari. Transdev Nederlandek aurretik ere erakutsi zuen Solarisen ibilgailuekiko konfiantza. Gaur egun, hidrogeno bidezko 20 autobus ditu Hego Holandan operazioan, eta Metrostyle 10 trolebus Arnhem udalerrian. Horiei guztiei, laster, Utrecherako 2024an esleitutako Solarisen beste 96 autobus elektriko gehituko zaizkie.
Bestalde, Solarisek kontratu bana sinatu du Polonian MZA Varsovia eta GZM Metropolis enpresekin 50 eta 42 autobus elektriko (hurrenez hurren) hornitzeko.
Poloniako hiriburuaren kasuan, 18 metroko 50 autobus artikulatu dira. Propultsio modularreko sistemak izango dituzte eta, Solaris High Energy bateriekin ekipatuta egongo dira. Haien gaitasuna 700 kWh baino gehiagokoa da. Honi gehituko zaio joan den irailean Solarisi esleitutako beste 79 autobus elektrikoren eskaera. Solarisen eta MZA Varsoviaren arteko lankidetza 1997an sortu zen, eta urte hauetan zehar 1.350 autobus baino gehiago entregatu dira.
Bestalde, GZM Metropolisek (Poloniako Silesia eskualdeko udalerrien elkartea) 42 autobus elektriko eta deposituko karga-azpiegitura enkargatu dizkio Solarisi. Akordio horren arabera, Poloniako hegoaldeko garraio publikoaren operadoreak, PKM Świerklaniec-ek, 12 metroko 24 Urbino autobus elektriko eta 18 metroko 18 Urbino autobus artikulatu jasoko ditu. Lehenengoen edukiera 70 bidaiari artekoa izango da. Aldiz, bertsio artikulatuek gehienez 120 pertsona garraiatu ahal izango dituzte. Unitateek gidariari laguntzeko eta segurtasuneko hainbat sistema izango dituzte. Gainera, operadoreak flotak kudeatzeko eSConnect sistema ere aukeratu du. Sistema horrek ibilgailuen datuak denbora
Urbino 10,5 elektrikoak irabazi du 2026ko Autobus Jasangarriaren saria
Solaris Urbino 10,5 modelo elektrikoak 2026ko Autobus Jasangarriaren Sari entzutetsua jaso du “Hiriko” kategorian mundu mailan ibilgailuaren aurkezpena egin den egun berean. Sari horrek ibilgailuaren berrikuntza nabarmentzen du, eta epaimahaiak Solarisen flotak garraio publiko jasangarriaren garapenean betetzen duen zeregin garrantzitsua ere baloratu du. Sari-banaketa ekitaldia Bruselan egin da, Busworld 2025 azokan.
Urbino 10,5 elektrikoa urrian aurkeztu da lehen aldiz jendaurrean, eta fabrikatzailearen zero isuriko ibilgailuen gama zabala are gehiago handitu du. Modelo berriak dimentsio trinkoa, maniobragarritasuna eta bidaiaren edukiera handia bateratzen ditu.
Hauxe da Solarisen ibilgailu bat sariketa horietan irabazle suertatzen den bigarren urtea jarraian. Izan ere, 2025ean, propultsio modularreko Solaris Urbino 12 elektrikoak eskuratu zuen saria. Autobus Jasangarria Saria Europako garraio jasangarriaren estandar berriak (bai ingurumen mailan, bai gizarte mailan) ezartzen dituzten autobus eta autokarrei zuzendutako aitortza entzutetsua da. Aurtengo epaimahaia, beste behin, Europa osoko sektore horretako aldizkari nagusietako ordezkariek osatu dute.
.